Traballando en grupo

O camiño empedrado dálle outro aire e valor ao paseo... pero non se fai só.

Primeiro botei man de pedras que xa había arrincadas dentro do recinto. Os mediodías fanse longos e agora traballosos, e, cando non hai axudas... hai que sacrificarse. Máis tarde houbo que arrincar, transportar, retocar as pedras coa maceta e colocar. Non foi traballo en cadea, mais fíxose a cadea completa do traballo.

Plantáronse moitas aromáticas xa existentes no centro; había previsión de uso e estaban aviveiradas. A continuación, pediuse colaboración ao alumnado e familia e completouse a plantación sen ter que, ao remate, mercar ningunha o centro.